Heyr! Heyr!

Fjármögnun hlutabréfakaupanna mun hafa verið með þeim hætti að tvö félög, sem skráð eru á Jómfrúreyjunum, lánuðu þriðja félaginu sem fjármagnaði Q Iceland Finance ehf. sem keypti síðan bréfin í Kaupþingi. Félögin á Jómfrúreyjunum fengu lán fyrir þessari fjármögnun hjá Kaupþingi með veð í bréfunum sjálfum. Annað félagið mun vera í eigu Ólafs Ólafssonar, sem var annar stærsti eigandi Kaupþings á þeim tíma.

Helgi Magnús: Davíð sendi bréf

Athugasemdir

[Haukur Nikulásson, 24.2.2009 kl. 23:46]

Ólafur er einn þeirra sem fékk banka "úthlutað" af Davíð og Halldóri. Var reyndar Halldórs megin en samt með samþykki Davíðs. Davíð sparkar samt í allar áttir til að verja sig og nú skiptir Ólafur hann engu og því síður Halldór, Geir, Árni Math. og þess vegna hver sem er af hans bandamönnum. Hann er búinn að sjá að þeir geta ekki varið yfirforingja sinn mikið lengur.

Það er ekki trúverðugt að hann segist hafa "varað við allan tímann" þegar við höfum séð myndefni þar sem hann hrópar ferfalt húrra fyrir útrásarvíkingunum. En þar sem hann var sjálfur með glas í hendi getur vel verið að hann muni ekki lengur eftir þessari hallelújasamkomu sem hann stýrði. Hann hefur haft vit á því að tala bæði með og á móti og getur þess vegna valið sér málstað eftir vindáttinni. Hér er hann bara með léttan útúrsnúning úr öllu málinu.

Davíð notar menntaskólaaðferðir og smjörklípur til að drepa rökræðurnar við Sigmar í Kastljósinu. Hann er greinilega í uppnámi lyginnar með stjórnlausu handapati í allar áttir, tvítekur megnið af umræðunni og er síðan gráti nær í lok viðtalsins og Sigmar sér þá bara aumur á honum og hættir. Vissulega varðist hann fimlega framan af og það verður ekki af honum tekið, en við þekkjum hann samt nógu vel til að vita að hann er gjörsamlega búinn að vera þrátt fyrir að hann sé ennþá haldinn þeirri þráhyggju að ekki megi skipta honum út vegna þess að það "eyðileggi bankann hans".

Landið er sneisafull af ómissandi fólki. Davíð er það hins vegar örugglega ekki.

[Júlíus Björnsson, 25.2.2009 kl. 00:22]

Ólafur er einn þeirra sem fékk banka "úthlutað" af Davíð og Halldóri.

Hvernig borgaði hann fyrir sig. ESS samningurinn bauð upp á þessa einkavæðingu. Þetta fór vel af stað að sumra mati að taka upp samfélagsgerð Evrópu Sameiningarinnar. 

[Guðmundur Jónsson, 25.2.2009 kl. 00:28]

Haukur !! Ég seldi ágætum manni bíl í fyrra, svo var ég svo óheppinn að  hann var tekin á 200 á reykjanesbrautinni um daginn. Hvort heldur þú að ég eða núverandi eigandi hafi misst prófið ?

[Jóna Kolbrún Garðarsdóttir, 25.2.2009 kl. 01:32]

http://www.youtube.com/watch?v=5egkmJRikKw   Skemmtilegt myndband frá Láru Hönnu. 

[Júlíus Björnsson, 25.2.2009 kl. 04:15]

Jóna! 2002 til mars 2005?  Þar vorum við langt komin með að taka upp Evrópu regluverkið ESS.  Komin verðbréfa höll og öflugur Seðlabanki og færa skuldir Ríkissjóðs [stjórnmála mannanna ] yfir á hvert risafyrirtækið á öðru á forminu ehf eða eho. Hinsvegar voru væntingar um að sumir Íslendingar gætu vaðið inn í sýndar samkeppnisheim Evrópubandalagsins á sínum eigin forsendum. Davíð var fljótur að átta sig á því og er því einn klárasti af þeim sem komu við sögu. Ætti því að reka hann seinast. Allur þessi hryllingur samfylgjandi breyttri samfélagsgerð síðustu 20 ár er kostnaður við ESS eða gallarnir við Evrópu Sameininguna. Við vitum það vel að 2/3 hlutar þjóðarinnar hafa ekki fengið neitt nema verri þjónustu og meiri skuldir á aðlögunartímanum ESS. Þingheimur hefur verið alltof upptekinn við sukk-samstarf við þá á meginlandinu og upptöku Samfélagsreglna Evrópusamningarinnar til  hugsa um hag lýðsins.

Að er búið að eyðileggja menntakerfið á Íslandi og iðnmenntun er ekki undaskilin, er búinn að vera á mörgum stöðum og talað við marga af eldri kynslóðinni. Íslendingar eru orðnir sömu aumingjarnir og meginlandinu og sér í ljósi afkasta. Það er búið að drepa allt einkaframtak svo halda fræðingarnir að unga kynslóðinn geta greitt niður kostnaðinn við að halda þeim uppi næstu árin?